International Academy of Collaborative Professionals (IACP) / Lankidetza Profesionalen Nazioarteko Akademiak, Estatu Batuetan egoitza duenak, Maria Jose Anitua Euskadiko Lankidetza Zuzenbidearen Elkarteko lehendakariaren artikulu bat eman du argitara, eta bertan gai zibil eta merkataritza-gaietan lankidetza-zuzenbidearen praktika sartzea nabarmentzen da.
Lankidetza-zuzenbidea gatazkak konpontzeko forma berritzaile eta alternatiboa da, negoziazioan oinarritua, epaiketara joatea saihesten duena, eta horrek, denbora eta kostuen aurrezki garrantzitsua ekartzeaz gain, epaiketa-prozesu batek inplikaturiko aldeentzat duen nekea saihesten du. Euskadiko Lankidetza Zuzenbidearen Elkarteak IACPren laguntzaz prestakuntza-ikastaro bat antolatu du, eta estatubatuar adituek prestakuntza eman diete 90 profesionali Madrilen egindako jardunaldi batean, eta parte hartzaileen artean enpresa-zuzendariak, gerenteak eta presidente betearazleak zeuden, gatazkak konpontzeko era berri honetan interesatuak.
IACP nazioarteko komunitate bat da, lege, buru-osasun eta finantza-arloko profesionalek osatua, eta gatazkak konpontzeko bezeroengan zentraturiko prozesuak sortzen lan egiten du. Lankidetzazko jardunbidearen bidez gatazkak konpontzeko modua eraldatu nahi dute.
