SPRI Taldeak eta Innobasque Berrikuntzaren Euskal Agentziak digitalizazioan nazioarteko I+G+b lankidetza proiektuetan parte hartzeko aukerei buruzko informazio jardunaldi bat antolatuko dute datorren asteazkenean, hilak 4. Enterprise Europe Network (Basque EEN, Innobasque eta SPRI kide dituena) enpresei laguntzeko sarearen euskal partzuergoaren jardueren barruan egin da topaketa, eta Eusko Jaurlaritzaren, Garapen Teknologikorako eta Berrikuntzarako Zentroaren (CDTI) eta Zibersegurtasuneko Institutu Nazionalaren (Incibe) laguntza jaso du, zeina Zibersegurtasuneko Lehiaren Europako Zentroaren Espainiako Koordinazio Nazionalerako Zentro izendatu baitute.
Ekitaldian, Fernando Martín eta Lucía Haro Ruiz CDTIko eta Incibeko adituek Horizonte Europa esparru-programaren 4. klusterraren (mundu digitala, industria eta espazioa) hurrengo deialdien edukiak azalduko dituzte, baita Europa Digital Programak zibersegurtasunean ematen dituen finantzaketa publikorako aukerak ere.
Gainera, bertaratutako ETEen ordezkariek Enterprise Europe Network (Basque EEN) enpresei laguntzeko sareak nola lagun diezaiekeen jakin ahal izango dute, baita Europako programetan parte hartzen duten euskal enpresen bi kasu arrakastatsu ere. Adituekin banakako elkarrizketak egiteko aukera ere izango dute.
Jardunaldian parte hartzeko izen-ematea esteka honen bidez egin daiteke.
