Ibon Zugasti.Prospektikerreko managing zuzendaria.

Enpresen Kudeaketan eta Administrazioan lizentziaduna eta Zuzendaritza Estrategikoan masterra Deustuko Unibertsitatean. 1999az gero plangintza estrategiko eta prospektiboari buruzko hainbat proiektu zuzendu ditu. Halaber, zenbait azterlan sektorial eta enpresa-plan estrategiko egiten parte hartu du (TELEFÓNICA, REPSOL, MONDRAGON CORPORACIÓN, IBERDROLA, GUGGENHEIM…) eta sektore publikoko proiektu prospektibo-estrategikoetan aritu da hainbat herrialdetan (Uruguai, Kolonbia, Kuba, Kanada, AEB…) eta EBn (Europako Batzordea…).

Rodrigo Dal Borgo.Prospektiba estrategikoaren arloko aholkularia eta beste batzuekin batera ParalogosAI konpainiaren sortzailea.

PhD, arloa: “Giza Eskubideak: Erronka Etikoak, Sozialak eta Politikoak”, Deustuko Unibertsitatea. Rodrigo prospektiba estrategikoan eta aurreratze-gobernantzan aditua da, bai eta eszenatokiak planifikatzeko orduan ere, Oxfordeko Unibertsitatean doktore-egonaldiaren ondoren. Beste batzuekin batera ParalogosAI konpainia sortu zuen, eta Data Sciencerekin prospektiba estrategikoaren metodologiak erabiltzen ditu. 10 urtetik gora eman ditu prospektiba estrategikoa ikertzen eta praktikan jartzen, esparru akademikoan, sektore pribatuan eta sektore publikoan aritu da. Gaur egun politika publikoen eta prospektiba estrategikoaren kontsultorea da Ekonomia Lankidetza eta Garapenerako Antolakundean (ELGA).

Lola Elejalde.Nazioarteko zuzendaria Innobasquen.

Industria-ingeniaria Bilboko ETSIITen, eta petrolioa, petrokimika eta gasa fintzeko ingeniaria Parisko Institut Français du Pétrole erakundean. Bere ibilbidean zehar, prestakuntza akademikoan sakondu du prospektiba, estrategia eta berrikuntza bezalako arloetan espezializatutako prestakuntzekin eta Enpresa Institutuaren Advanced Management Program eta ESADEren Kontseilarien Programa bezalakoekin osatu du. Estrategian eta berrikuntzan izan duen eskarmentu profesionalak lotura estua izan du beti “etorkizunen pentsamenduarekin”, prospektibarekin, eta 2021ean eta 2022an Espainiako 40 futurista onenen Forbes zerrendan egon da. Gaur egun, Nazioartekotzeko zuzendaria eta prospektiba-jardueraren arduraduna da Innobasquen. 

Oihana Blanco.Berrikuntza-politiketan proiektu-arduraduna Innobasquen.

Ekonomian lizentziaduna EHUn, Kanpo Merkataritzan eta Enpresen Nazioartekotzean masterra Bilboko Merkataritza Ganberan eta Master in Business Innovation Deusto Business School-en. Innobasquen hainbat arlotako proiektuen arduraduna izan da, hala nola I+G+b-a, ekonomia zirkularra eta zientzia, teknologia eta berrikuntzako politiken nazioartekotzea. Duela 5 urtetik hona zaintza- eta prospektiba-proiektuen arduraduna da, eta arlo horretan trebatu da Manchesterreko Unibertsitatean.