EUSKARALDIA 2025
Euskaraldiarekin bat egiten dugu, eta gure erakunde bazkideak animatzen ditugu hizkuntza ohiturak aldatzeko ariketa honetan ere parte hartzera.
Maiatzaren 15etik 25era
Zer da Euskaraldia?
Euskaraldia euskara ulertzen duten hiztunen hizkuntza-ohiturak aldatzeko mugimendu soziala da, Euskal Herri osoan eragiteko sortua. Mugimenduak herritarren hizkuntza-praktikak aktibatu eta euskararen erabilera handitu nahi du, eguneroko harremanetan euskara lehenetsiz eta 11 eguneko praktika sozial masibo bateratu baten bidez.
Ariketa parte hartzeko bi roletan oinarritzen da:
- AHOBIZI: Euskaraz ulertzen duten guztiekin euskaraz egiten dut uneoro. Kideek euskaraz ulertzen ote duten ez dakidanean lehen hitzak, beti, euskaraz egiten ditut; euskaraz ulertzen badute, euskaraz jarraitzen dut.
- BELARRIPREST: Aldiro erabakitzen dut euskaraz noiz eta norekin egin. Agian, beti ez dut euskaraz egingo ulertzen duten guztiekin, baina euskara dakitenek niri euskaraz hitz egitea nahi dut, eta horixe eskatzen diet modu esplizituan.
Nola parte hartu Euskaraldian?
Sartu Euskaraldiaren webgunera eta zure rola aukeratu:
