NNOBASQUE, 2026ko urtarrilaren 13a. Urtearen hasiera egokiera ona izaten da beti balantzea egiteko eta ekitaldi berriak dakartzan erronkak aztertzeko. Gaur egungo aldaketa politiko, teknologiko eta sozial azkarren ondorioz, inoiz baino beharrezkoagoa da analisi hori, eta, ‘Innobasque Joerak’ buletinak ere horixe egin du 2026ko lehen zenbakian. Horretarako, Munduko Ekonomia Foroak (WEF) aurreko hilean argitara emandako ‘Four Futures for the New Economy’ txostena hartu dugu oinarri.
Analisi horretan, WEFk bi bektore giltzarri esploratzen ditu: batetik, testuinguru politikoa, zeina txostenaren arabera egonkortasun eta lankidetzatik zatiketa eta gatazkara joan daitekeen; eta, bestetik, teknologia ezartzeko erritmoa, zeina izan daitekeen azkarra eta orokortua edota motela eta desorekatua. Konbinazio horren arabera, lau agertoki sortuko lirateke, eta horien eragina oso desberdina izan liteke enpresentzat, gobernuentzat eta herritarrentzat. Txostenak hainbat estrategia proposatzen dizkie agertoki horietako bakoitzari aurre hartzeko eta haietara egokitzeko. Hauek dira estrategia nabarmenenetako batzuk: hornidura-kateen erresilientzia sendotzea, talentuaren formakuntza eta eraldaketa digitala lerrokatzea eta analisi geopolitikorako gaitasunak garatzea.
