Europako Batzordeak, Joint Research Centerren (JRC) bidez, «The EU Industrial R & D Investment Scoreboard» txostenaren 2025eko edizioa argitaratu du. Europan eta munduan ikerketa eta garapenean (I+G) gehien inbertitzen duten enpresak biltzen dituen urteko txostena da, eta 2024ko urteko kontuetan oinarrituta egin da.
Talde horren barruan euskal jatorriko sei konpainiaren presentzia nabarmentzen da, eta horrek agerian uzten du Euskadik Europako testuinguruan duen pisu industriala eta teknologikoa.
Alfabetikoki, honako hauek dira: Construcciones y Auxiliar de Ferrocarriles (CAF), egoitza Beasainen duena; Faes Farma, egoitza Leioan duena (Bizkaia); Gestamp Automoción, jatorri bilbotarreko euskal industria taldea; Global Dominion Access, egoitza Bilbon duena eta rankingean sartu berria; Iberdrola, egoitza ere Bilbon duena eta munduko rankingean dagoen Espainiako enpresa bakarrenetakoa; eta Sener Grupo de Ingeniería, egoitza Getxon duena (Bizkaia).
