Formakuntza – Maximizatu I+G+Bko zure inbertsioa Tax Lease tresnaren bidez

Prestatzailea

Mare Martínez. Tax lease & Startups enpresako burua. FI Group.

Telekomunikazioetako goi-mailako ingeniaria, 18 urtetik gorako esperientzia du I+G+Baren finantziazio publikoaren arloan, bezero diren enpresek ikerketa-jarduerarako laguntza publikoak eta zerga-pizgarriak lor ditzaten aktiboki lagunduz. Hainbat zeregin eta erantzukizun-maila izan ditu bere ibilbidean, hala nola aholkularitza-enpresa (Euro-Funding Advisory Group), kudeatzailea (FI Group), zuzendari teknikoa (Atomm) eta bazkidea (Inveready Capital Company Madrid). Gaur egun, startupen finantziazio-arloko FI Group-eko arduraduna da, eta eskarmentu handia du segmentu horri zuzendutako deialdietan eta pizgarrietan. Tax Lease zerbitzuaren arduraduna ere bada, bai inbertsio-funts eta banku desberdinek kudeatutako egiturena, bai FI Group eta inbertitzaile diren barne-egiturena.

Agustí Soler. ROAC kontu-auditorea

Kontu-auditorea, I+G+Bn oinarritutako finantza-zerbitzuetan espezializatua, startup sektorean 20 urte baino gehiagoko esperientzia duena finantzaketa publiko pribatuaren arloan aholkatzen. Finantza-prestakuntza du, auditoretzako masterra UPCn (Universitat Politècnica de Catalunya), Corporate Finance masterra ESADEn eta (PDD) masterra IESE Business Schoolen. Hainbat aholkularitza-enpresarekin laguntza publikoetan eta kenkarietan oinarritutako finantza-produktu ugari merkaturatu ditu.

Ikaskuntza-helburuak

• Ikerketa, garapen eta berrikuntzagatik zerga-kenkaria izan dezaketen jarduerak identifikatzea.
• Jarduera horien zenbateko kengarriak kuantifikatzea, baita finantzaketa publikoko programekin duten bateragarritasuna ere.
• I+G+B jarduerak gauzatzeko dauden foru eta estatu mailako zerga-optimizaziorako aukerak ezagutzea.
• Ezagutu Tax Lease tresnak I+G+Baren ondoriozko kenketa zuzenen edo monetizaziorako alternatiben aldean dituen abantailak.
• Tax lease-ren egitura kontratu, zerga eta kontabilitate mailan ulertzea.
• Aipatutako pizgarriaren aplikazio praktikoari buruz eztabaidatzea, zalantzak partekatzea eta sortzen diren arazoak konpontzen saiatzea.

Ikaskuntzaren edukiak

1. Kenkari fiskalak.

• • Oinarrizko kontzeptuak: zein jarduera izan daiteke kengarria?
  • Kostu kengarriak.
  • Prozesuaren faseak.

2. Interes Ekonomikoko Elkarte (IEE) baten bidezko monetizazioa.

• • Tax Lease prozesuan parte hartzen duten figura guztiak eta prozesuan duten zeregina ezagutzea.
  • Eragiketaren errentagarritasuna.
  • Tresna gauzatzeko egutegia eta ordainketak.

3. Eragiketaren arriskuak eta onurak.

• • Eragiketaren arrisku eta aringarri nagusiak ezagutzea.
  • Onura nagusiak beste alternatiba batzuekin alderatuta eta horietako bakoitzarekin aplikatzeko bateragarritasuna.

4. Zerga Administrazioko Estatu Agentziaren (ZAEA) araudia eta ikuspegia.

• • Tax Lease eragiketak eta kontsulta lotesle nabarmenenak arautzen dituen araudia.
  • Azken ekitaldietako Ikuskaritzaren Kontrol Planak.

5. Erabilera-kasua: I+G proiektu baten monetizazioaren kasu praktikoaren adibidea, Tax Lease aplikatuz.

Nori zuzendua

Zientzia, Teknologia eta Berrikuntzaren Euskal Sareko (ZTBES) eragileak eta ikerketa, garapen eta berrikuntzako jarduerak egiten dituzten enpresak, Innobasque, Berrikuntzaren Euskal Agentziako bazkide badira:

• I+G+Bko proiektuei ahalik eta etekin fiskalik handiena atera nahi dietenak.
• I+G+Bko inbertsioaren irismena hobetzea, bazkide ekintzaileen parte-hartzea diluitzen ez duten finantziazio pribatuko aukeren bidez
• Kezka berritzaileak dituztenak, beren proiektu teknologikoetarako pizgarri fiskalen kudeaketa integrala bilatzen dutenak, enpresaren egoeraren arabera dauden aukerak aztertuz

*Gehienez bi pertsona erakunde bakoitzeko