Zure ETEarengana hurbiltzen gara

Jardunaldi honen helburua da berrikuntza erabiltzea zure eguneroko beharrei erantzuteko eta, horrela, zure emaitzak hobetzeko. Zure erakundeko edozein arlotan berrikuntza aplikatzeak zure lehiakortasuna areagotzen laguntzen duela ikusiko duzu.

Bertatik bertara ezagutu ditzakezu proiektu berritzaileak gauzatu dituzten sektore desberdinetako ETEen benetako esperientziak eta nola heldu dioten arrakastaz beren enpresa-erronkei.

Azalduko dizute nola erabaki zuten berrikuntzaren alde egitea, eta horrek nola eragin duen haien emaitzen hobekuntzan. Berrikuntza-prozesu honetan aurre egin behar izan dieten zailtasunak eta nola gainditu dituzten ere azalduko dute.

Jardunaldi bakoitza amaitzean, “networking”-era zuzendutako gune bat prestatuko da. Hala nahi duten enpresek bertan eta minutu gutxitan jakin dezakete zein den beren berrikuntza-maila eta zein laguntza eta zerbitzu dituzten eskura beren erronkei eta beharrei aurre egiteko.

Berrikuntzaren Euskal Agentziak, Innobasquek, enpresa txiki eta ertainei laguntzeko doako zerbitzua aurkezten dizu, zuk ere parte har dezazun.

• Zure berrikuntza-profil espresa egin ezazu. 9 minututan, aurkitu zure enpresara gehien egokitzen diren hobekuntza-aukerak.
• Erregistratu eta murgildu Euskal Berrikuntzaren Mapan. 5 minutu eta zure beharren araberako laguntza, kasu praktiko, prestakuntza eta gehiago erakutsiko dizkizugu.
• Entzuten dizugu eta hobekien egokitzen zaizkizun konponbideak aholkatuko dizkizugu. Hazinnova bezalako programak izan daitezke, edo beste akonpainamendu mota batzuk.