Formakuntza – Berrikuntza irekia eta berrikuntza-ekosistemak

Prestatzailea

Marisol Menéndez. CEO eta sortzailea Bilakatu / WITH (we-with.com)

Berrikuntzako aditua, 20 urte baino gehiagoko esperientzia berrikuntza irekian, ekosistemetan, banku-sektorean eta eraldaketa digitalean. Berrikuntza irekian eta ekosistemen orkestrazioan jarduten duen Bilakatu enpresaren CEO eta sortzailea da. Konektatu, pentsatu eta jarduteko modu berri baten bidez lidergo-eredu berri bat sustatzen duen emakume lider eta zuzendarien ekosistema WITHko CEOa da ere. Advisorra da hainbat startup eta funtsetan (Meniga, Movizzon, Brain VC, Axyon AI). Aurretik, ardura-postu hauek izan ditu: Chief Open Innovation South Summit enpresan, Global Head of Open Innovation BBVAn eta Head of Open Innovation Nordic Future Innovation enpresan. “Berrikuntza Irekiaren 3 dimentsio” metodoaren eta ekosistemen berrikuntza kudeatzeko “Connect-Think-Do” metodoaren egilea da. Metodo hori Henry Chesbroughek, berrikuntza irekiaren kontzeptuaren ideologoak, beste egile batzuekin batera 2024an editatutako “Oxford Handbook of Open Innovation” delakoan dago.

Ikaskuntza-helburuak

• Berrikuntza-ekosistemei irekita dagoen berrikuntza zer den eta erakundeei zein onura ekartzen dizkien ulertzea.
• Erakundearen berrikuntza-estrategia aztertzeko oinarrizko tresnak izatea. Estrategia honen etorkizuneko ikuspegia eta horrek erakundearen estrategiari egiten dion ekarpena.
• Enpresaren prozesuak, prozedurak, antolakuntza eta KPIak ulertzea eta horiek helburu estrategiko orokorrekin eta lankidetzan ezarritako berrikuntzako helburuekin lerrokatzea.
• Ekosistemaren dinamika eta eragile nagusiak identifikatzea, lankidetzarako eta orokorrean berrikuntzarako. Harreman horiek lehenestea, berrikuntzarako helburu estrategikoen arabera.

Ikaskuntzaren edukiak

1. Zer dira berrikuntza irekiak eta ekosistemak?
2. Berrikuntza irekiaren hiru dimentsioak – Berrikuntzaren estrategia aztertzeko tresnak eta metodologiak.
3. “Berrikuntza irekiaren estrategiaren mihisea” tresnaren eta lankidetzarako beste tresna batzuen bidez berrikuntza-estrategiaren analisirako dinamika.
4. Hurbileko ekosistema osatzen duten eragileak aztertzeko tresnak eta loturak lehenestea.

Nori zuzendua

Innobasque, Berrikuntzaren Euskal Agentziaren bazkide diren erakundeentzat bakarrik.

• Lankidetzan berrikuntza-estrategiak dituzten eta egungo egoerari buruz hausnartu edo ebaluatu eta etorkizunean pentsatu nahi duten erakundeentzat.
• Lankidetzan berrikuntza-prozesua hasi nahi bai, baina nondik hasi ez dakitenentzat.
• Berrikuntzako arduradun, CEO, ekosistema-sortzaile, jabetza intelektualaren arduradun eta ekosistemekin lanean eta horiei lotuta berrikuntza-estrategia ezarri behar dutenentzat.

*Gehienez bi pertsona erakunde bakoitzeko.