Agencia Vasca de la Innovación, Innobasque
Esperimentazioko 6 proiektu
jarri ditugu abian PARTE HARTU!
Eman izena urriaren 31 arte
Zertan datzan
Sei esperimentazio proiektu berri abiarazi ditugu, erakundeek elkarrekin esploratu, probatu eta aurrera egin ahal izan dezaten berrikuntzak planteatzen dituen erronken aurrean.
Proiektuek metodologia berritzaileak landuko dituzte Euskadirentzat, frogatutako edo ebidentziak babestutako potentzialarekin. Bakoitza talde txikitan garatuko da, sei eta hamar erakunde bazkide artean, eta proiektuaren esparruan adituak diren erakundeen laguntza izango du. Sortzen diren ikaskuntzak Zientzia, Teknologia eta Berrikuntzarako Euskal Sistemara eramango dira.
Erakunde bazkideentzat soilik.
Sei proiektuak begirada batean ¡PARTE HARTU!
Esperimentazio proiektu bakoitzak bi plano ditu
METODOLOGIA
Esperimentatzen eta baliozkotzen den ikuspegi berria: Innobasquen dokumentatuta geratzen den eta beste esparru, kolektibo edo teknologia batzuetara eskalatu daitekeen eredu erreplikagarria.
APLIKAZIO PROIEKTUA
Metodologia aplikazio zehatz baten bidez probatzen da: benetako parte-hartzaileak, eremu espezifiko bat eta parte hartzen dutenentzako balio zuzena.
Proiektuak balioa ematen die parte-hartzaileei; metodologiak ikaskuntza sortzen du Zientzia, Teknologia eta Berrikuntzaren Euskal Sistemarako.
Hemen daude jada esperimentazio-proiektuen aurkezpeneko bideoak
Urriaren 7an eta 8an Innobasqueren Esperimentazio eremua abian jartzeko proiektuak aurkeztu ziren bi webinarretan, eta horiei loturiko bideoak eskura daude dagoeneko.
Saio horietan, modu argi eta zuzenean azaltzen dira proiektuak. Ekimen horiek berrikuntzaren hainbat esparru lantzen dituzte eta Euskadin inoiz baliatu ez diren metodologiak esploratzen dituzte, munduko beste leku batzuetan emaitza bikainekin aplikatu izan diren metodologiak, hain zuzen. Esperimentazio-eremu horren helburuak zein diren, nori zuzenduta dagoen eta parte hartzeko baldintzak zein diren ere zehazten da informazio saio horietan.
