Agencia Vasca de la Innovación, Innobasque
“Zientziatik Berrikuntzara” kasu praktikoen zikloko webinarrak hileroko topaketak dira, gure erakunde bazkideek ezarritako esperientzia errealak bertatik bertara ezagutzeko aukera ematen dutenak. Esperientzia horietan, ezagutza zientifikoa eta teknologikoa Euskadin eragin ekonomiko eta soziala duten soluzio bihurtzen da.
Euskadi 2030 Zientzia, Teknologia eta Berrikuntza Planean jasotako “ezagutzaren hedapen sozialaren” printzipioaren ildotik, ekimen honen helburua da ezagutza hori gizarte osora hurbiltzea, teknologia eta ikerketa zentroek, enpresek eta berrikuntza ekosistemako beste eragile batzuek funtsezko prozesuak, lankidetzak eta ikaskuntzak partekatzen dituzten topaketen bidez, zuzeneko trukea sustatuz eta ezagutzaren transferentzia indartuz.
Hurrengo webinarra
DATA
2026ko apirilaren 24a
GAIA
Bihotzeko kirurgia konplexuan 3D eredu pertsonalizatuak aplikatzea.
HIZLARIAK
Roberto Voces Sánchez, Ezkerraldea-Enkarterri-Gurutzeta Erakunde Sanitario Integratuko Kirurgia Kardiobaskularreko zerbitzuburua eta Rubén García Fernández, Biobizkaia OIIko 3D Plataformaren arduraduna
ERAKUNDEAK
Gurutzetako Unibertsitate Ospitaleak eta Biobizkaia OIIk
Gurutzetako Unibertsitate Ospitaleak eta Biobizkaia OIIk EHUren laguntzarekin garatutako kasu bat ezagutuko duzu. Kasu horri esker, irudi medikoak 3D eredu anatomiko pertsonalizatu bihur daitezke, miokardiopatia hipertrofiko buxatzailearen kirurgia zehaztasun handiagoz planifikatzeko.
Ezagutu azken webinarra
DATA
HIZLARIA(K)
LABORAL Kutxa, Ikerlan eta Lagun Aro Aseguruak eta etxeko ezbeharren parte digitalak izapidetzeko tresna, Innobasqueko kasu praktikoen azken web-mintegiaren protagonistak
LABORAL Kutxa, Ikerlan eta Lagun Aro Aseguruak izan dira Innobasque Berrikuntzaren Euskal Agentziak antolatutako “Zientziatik berrikuntzara” zikloko azken web-mintegiaren protagonistak. Topaketa horiek hileko azkeneko ostiralean izaten dira eta zentro teknologikoek, enpresek eta berrikuntzaren euskal ekosistemako beste eragile batzuek prozesuak, lankidetzak eta funtsezko ikaskuntzak partekatzen dituzte, ezagutza zientifiko-teknologikoa eraldatu eta eragin ekonomiko eta soziala izan duten irtenbide bihurtu badituzte. Oraingo honetan, Borja Garate, LABORAL Kutxako berrikuntzako teknikaria; Josu Ircio, Ikerlaneko adimen artifizialaren eta datuen analitikako ikertzailea; eta Unai Echevarría, Lagun Aro aseguruetako programazio-analista izan dira azaldu dutenak hiru erakundeak lankidetzan aritu direla tresna bat sortzeko, argazki edo bideoetatik abiatu eta etxeko ezbeharren izapidetze digitala egin ahal izateko. Eusko Jaurlaritzako Hazitek programaren babesa izan du proiektuak eta sortu den sistemari esker 2023az geroztik bezeroek bitrozeramiken matxuren berri eman diezaiokete aseguru-etxeari, akatsa beiran baldin badago.
Garapenaren hasierako fasean aseguru-etxeak eskatu zuen kaltetutako beiren argazkiak eta bideoak igortzeko, instalatzaileek emandakoak ez baitzetozen bat etxeko elektrotresna horien eguneroko erabileraren ondorioz sortu daitezkeenekin. Hasiera batean 600 irudi aukeratu ziren, gutxi gorabehera, eta Adimen Artifizialaren modeloa entrenatzen hasi ziren irudi horiekin, gero, baliozkotutakoan, irudiak bildu eta identifikatzen jarraitu ahal izateko. Gainera, karaktere-ezagutza optikoaren (OCR ingeleseko siglengatik) teknologia hautatu zen, argazki edo bideo batetik abiatuta sistemak elektrotresnaren marka identifikatu ahal izateko.
Gehiago irakurri
Baliozkotu denetik, sistema hori 2.300 parte digital kudeatzeko erabili da jada. Aseguru-etxearen arabera, bezeroen % 60 baino gehiagok aukeratzen du irudien bidez izapidetzea eta horietatik % 71k arrakastaz osatzen du prozesua, beraz, tresna erabiltzeko erraza dela eta onespen handia izan duela argi dago.
Gaur egun, beste mota batzuetako beiretan (leihoak, altzariak eta ateak) izandako kalteak identifikatzeko entrenatzen ari dira, eta tresna eta adimen artifizialaren eredua etorkizunean beste kasu batzuetarako erabiltzea aztertzen ari dira.
Proiektu hori Innobasqueko kasu praktikoen bankuan dago, lineako tresna bat da eta euskal erakundeek ezarritako berrikuntzako 250 adibide baino gehiago ditu beste batzuentzako inspirazio-iturri izateko.
Beste kasu praktiko batzuk "Zientziatik Berrikuntzara".
- 2026ko otsailaren 27a
Nola eraman ikerketa baten emaitza merkatura
- Soluzio honek soldadura denbora errealean monitorizatzeko aukera ematen du. Prozesu hori funtsezkoa da sektore estrategikoetan, hala nola trengintzan, automobilgintzan, eraikuntzan eta siderurgian.
- 2026ko urtarrilaren 30a
Marketineko ikerketari aplikatutako sentsorika eta errealitate birtuala
- Emozioek nola eragiten duten erosteko erabaki gehienetan eta nola errealitate birtuala, sentsorika eta neuromarketina bezalako teknologiek merkatuen ikerketa eraldatzen ari diren metodologia berritzaileen bidez eta enpresen eta unibertsitatearen arteko lankidetzaren bidez.
Kasu gehiago Innobasque, Berrikuntzaren Euskal Agentziaren kasu praktikoen bankuan
