Argazki oina. Ezkerretik eskuinera: Ivan Coydan, Mauleko Eskualderako Zientzia, Teknologia, Ezagutza eta Berrikuntza Estrategiaren zuzendaria (CTCi-Maule, Txile) eta Carlos Peña, Berrikuntzaren Euskal Agentziako Erakunde Bazkideen zuzendaria.
- Ivan Coydan Berrikuntzaren Euskal Agentziaren Zamudioko egoitzan izan da, RIS3 Euskadi espezializazio adimenduneko estrategiaz arduratzen diren erakundeei ematen dien aholkularitzan duen zeregin nabarmenagatik bertatik bertara ezagutzeko.
INNOBASQUE, 2025eko urriaren 6a. Innobasque Berrikuntzaren Euskal Agentziak Ivan Coydan Maule eskualdeko (CTCi-Maule, Txile) Zientzia, Teknologia, Ezagutza eta Berrikuntza Estrategiaren zuzendariaren bisita izan du aste honetan.
Coydan Talcako Unibertsitateko irakaslea da, Estrategiaren diseinuan buru den erakundea, eta Europan zehar dabil, berrikuntza-ekosistemetan lider diren hainbat erakunde ezagutzen.
Helburuetako bat eskualdea ezagutza eta berrikuntza gune gisa kokatzea eta bere agentzia dinamizatzaile propioa sortzea denez, Coydanek interes berezikotzat jo du Innobasque Berrikuntzaren Euskal Agentziaren funtzionamendua bertatik bertara ezagutzea, RIS3 Euskadi espezializazio adimenduneko estrategiaz arduratzen diren erakundeei aholkularitza emateko duen eginkizun nabarmenagatik.
CTCi-Maule Estrategiak bide orri bat izan nahi du oinarri zientifiko-teknologikoko eskualdeko ekosistema indartzeko, nekazaritzako elikagaien, osasunaren eta bioteknologiaren sektoreetan duen potentziala aprobetxatzeko eta klima aldaketa eta desberdintasuna bezalako erronketara egokitzeko.
Batzorde aholku-emailea aurtengo urtarrilean sortu zen, eta gaur egun bere lanaren lehen etapan dago. Bertan, elkarrizketa eta bisiten bidez, hala nola Innobasqueri egindakoaren bidez, diagnostiko bat lortuko du, eta gainerako jardueren esparru kontzeptuala diseinatuko du.
Harremanetarako
Olalla Alonso
T. 652 728 014 / [email protected]
Ana Larizgoitia
T. 656 788 328 / [email protected]
