Formakuntza – Finantza-kudeaketak nola susta dezakeen zure berrikuntza

Prestatzailea

Zenon Vazquez. Elkargiko zuzendari nagusia.

Enpresen Administrazio eta Zuzendaritzan lizentziaduna da Deustuko Unibertsitatean, eta Finantzetan espezializatuta dago Kingston-Londonen. IESE Business Schoolen PADE-Enpresen Goi Zuzendaritzako programa ere ikasi du. Finantza- eta enpresa-munduan ibilbide luzea du, bai estatuan, bai nazioartean. Zehazki, eta 2014tik, arrakastaz bete du Cie-Automotive kotizatuko finantza-arduradun (CFO) gisa egin duen lan profesionala. Finantza-ingurunea ondo ezagutzen du, eta esperientzia du finantza-sektorean zein kudeaketa-kontroleko eta ikuskaritzako konpainietan. 2019ko apiriletik Elkargiko zuzendari nagusia da.

Mikel Alberdi Arambarri. Elkargiko Familia-Enpresako arduraduna.

Zuzenbidean lizentziatua EHUn, Enpresen Aholkularitza Juridikoko masterra IE Business Schoolen, MBA-European Management Programme Deustuko Unibertsitatean, Audencia E.S.C (Ecole Supérieure de Commerce, Nantes), Bradford School of Management eskolan. Elkargiko Familia-Enpresaren arduraduna da merkataritza-arloan eta zerga-arloan aditua eta familia-protokoloak egiten eta ezartzen. Hainbat abokatu-bulegotan egin du lan.

Mikel Ocariz. Elkargiko Aholkularitza Zuzendaria.

25 urte baino gehiagoko esperientzia du aholkularitzaren eta finantza-zuzendaritzaren arloan, eta ondo ezagutzen du Euskadiko ETEen enpresa-errealitatea. Ekide Group-en finantza-arduraduna (CFO) izan zen, non bere gain hartu zuen finantza arloa digitalizatzeko erronka eta Mexikon eta AEBn nazioarteko presentzia duen ezagutza- eta teknologia-enpresa bati lotutako kultura eraldatzeko prozesuari ere ekin zion bertan. Gaur egun, Elkargiko Aholkularitza zuzendaria da, eta enpresen kudeaketa ekonomiko-finantzarioa hobetzeko proiektuak zuzentzen ditu. Bere ibilbidean zehar, aholkularitza zuzena eskaini die zuzendaritza-taldeei eta administrazio-kontseiluei, eta finantza-ikuspegi sendo batetik erabaki estrategikoak hartzen lagundu die.

Ikaskuntza-helburuak

• Gobernantza eta finantza-kudeaketa eraginkor batek baliabideak eta foku estrategikoa nola askatzen dituzten aztertzea, berrikuntza-prozesuei modu jasangarrian ekiteko behar diren baldintzak sortuz.
• Enpresei sendotasuna eta arintasuna irabazteko aukera ematen dieten antolaketa- eta ekonomia-jardunbide egokiei buruz hausnartzea, aldaketei aurrea hartzeko eta arrisku gutxiagorekin erabaki berritzaileak hartzeko.
• Enpresa txiki eta ertainen eskura dauden tresna teknologiko berrien erabilerari buruz sentsibilizatzea, lagungarri baitira zereginak automatizatzeko, baliabideen optimizaziorako eta datuetan oinarritutako erabakiak hartzeko, haien berrikuntza-prozesuen aurretiko urrats eta osagarri gisa.

Ikaskuntzaren edukiak

• Egungo kudeaketa ekonomiko-finantzarioaren erronka nagusiak.
• Negozioaren jarraikortasuna ziurtatzeko gobernantza-tresnak: familia-protokoloa edo bazkideen hitzarmena, familia-enpresen edo bazkide-talde batek sortutako enpresen gobernantza arautzeko bi tresna, aukera hauek ematen dituztenak:
  • Jabetzaren ondorengotza-prozesua ordenatzea, ildo horri dagokionean negozioaren jarraipena bermatuz.
  • Enpresa-erabakiak egoera lasaiagoan dagoen erakunde batetik abiatuta hartzea, berrikuntza hobeto txerta dadin.
• Negozioaren errentagarritasuna maximizatzeko, finantza-baliabideak askatzeko eta berrikuntza-proiektuetara bideratzeko gakoak.
  • Negozio errentagarria: eskaintza komertzial errentagarriak eta erakargarriak.
  • Zirkulatzailea: hornitzaileak, bezeroak, stockak eta diruzaintza.
  • Finantzaketa: egitura optimoa eta finantza-erakundeak.

Nori zuzendua

10 langile baino gehiagoko ETEentzat bakarrik.

• Egungo ekonomia- eta finantza-kudeaketaren erronka eta gako nagusiak ezagutzeko eta errentagarritasuna maximizatzeko interesa dutenak.
• Negozioaren jarraikortasuna ziurtatzeko eta proiektu berriei ekiteko finantza-baliabideak askatzeko gobernantza-tresnak ezagutzeko kezka eta behar espezifikoa dutenak.
• Gerentzia, Ekonomia- eta Finantza-arduradun zein Berrikuntza-arduradunentzat

* Gehienez bi pertsona enpresa bakoitzeko.