Formakuntza – Absentismoak ez dezala zure enpresa gelditu: duen eragina neurtu eta lana hobeto antolatzeko eta prozesuak doitzeko aukerak ezagutu

Prestatzailea

José Ignacio Llorente. Operazioetako eta Antolamenduko aholkulari espezialista OPE Consultores-en.

25 urte baino gehiagoko eskarmentua du, Aholkularitzan zein Industrian modu orekatuan bildutakoa. Zuzendaritza Nagusiaren eta Eragiketen Aholkularitzan lana egina du 50 erakunde baino gehiagotan, nazioartean ere bai, hainbat sektoretan: automobilgintza, siderurgia, kimika, makina-erreminta, elikadura, etab. Bere lan eremuak hauek izan dira: Lean Management/Manufacturing, prozesuen hobekuntza, estrategiaren definizioa eta hedapena, plangintza, logistika (barnekoa eta kanpokoa), lidergoa, kostuen analisia…

Ikaskuntza-helburuak

· Absentismoak industria erakundeetan duen benetako eragina ulertzea.

· Enpresaren emaitzek absentismoaren ondorioak ahalik eta gutxien jasateko ezar daitezkeen estrategiak eta ekintzak aztertzea.

· Adierazleak aukeratzen ikastea, eta horrekin absentismoaren inpaktua emaitzetan nola neurtu zehaztea.

· Zentzu horretan lagungarri diren aplikazio errazeko tresna digitalak ezagutzea.

Ikaskuntzaren edukiak

1. Sarrera.

· Definizioa eta absentismo motak.

· Egungo egoera Euskadin eta industrian. Arrazoiak eta ondorioak.

· Arintzeko neurriak hartu aurretik, prebentzioaz hitz egin dezagun. Erakunde-kultura.

2. Diagnostikoa.

· Nola eragiten du benetan absentismoak?

o Datuen analisia.

o Botila-lepoen identifikazioa.

o Kostuen kalkulua.

· Iraupen laburreko eta luzeko aldi baterako ezintasuna (ABE): inpaktuen azterketa.

3. Hobekuntza.

· Absentismoaren eragina murrizteko abian jarri beharreko ekintzak:

o Antolaketa erresilientzia handituz.

o Prozesuen malgutasun operatiboa eta sendotasuna hobetuz.

o Absentismoaren murrizketa/ez handitzea kudeatuz.

· Berariazko hobekuntza-proiektua: proiektu estandar baten helburuak, inpaktuak eta faseak definitzea.

Oharra: Nahi duten enpresentzat, trebakuntza ondoren jarraipen pertsonalizatuko saio bat egiteko aukera eskainiko da.

Nori zuzendua

10 langile baino gehiagoko ETEentzat soilik, baldin eta honako hauetarako beharra edo interesa badute:

· Pertsonen konpromisoari eta absentismoak lehiakortasunean, berrikuntzan eta proiektu estrategikoetan duen eraginari buruzko ideiak sendotzea.

· Bere taldeen konpromisoa eta ongizatea bultzatzeko eta absentismoa modu jasangarrian murrizteko estrategiak garatzea edo berrikustea.

· Bere egungo ikuspegia beste begirada, tresna eta esperientzia batzuekin kontrastatzea, bere bidea baliozkotzeko edo doitzeko.

· Lantegiko gerentziak eta zuzendaritzak; eragiketa, ekoizpen, etengabeko hobekuntza eta logistikako arduradunak; pertsonen kudeaketaz eta lan-osasunaz arduratzen direnak; baita lantegiko tarteko arduradunak ere.

*Gehienez bi pertsona enpresa bakoitzeko.