Formakuntza – AA duten irtenbideen babesa, patenteen eta jabetza industrialeko eta intelektualeko (IP) beste modalitate batzuen bidez 

Prestatzailea

Elena Zabala. GALBAIAN Intellectual Property-ko Europako Patenteen agentea 

 GALBAIANeko bazkide eta patenteen aholkularia da 2017ko ekainetik. Bere praktika profesionala patenteen arloan zerbitzu integrala eskaintzea da, bere espezializazio arloa ordenagailuan inplementatutako asmakuntzak izanik. 

GALBAIANen hasi aurretik, Elenak hamabost urtez lan egin zuen Fagor Taldeko Antolakuntza eta Sistemen sailean, eta ondoren lau urtez Fagor Arrasaten, IT proiektuen kudeatzaile gisa. 

Jokin Erkoreka . GALBAIAN Intellectual Property-ko Jabetza Industrialeko eta Intelektualeko abokatua 

Jabetza Industrialeko eta Intelektualeko abokatua da GALBAIANen 2023ko urtarriletik. Bere praktika profesionala jabetza industrial eta intelektualaren inguruko aholkularitza integrala eskaintzean datza. 

GALBAIANen lanean hasi aurretik, Jokinek zazpi urtez lan egin zuen Euskal Kulturgileen Kidegoa – EKKI jabetza intelektualeko eskubideak kudeatzeko erakundean, koordinatzaile nagusi eta elkarteko Lege-Aholkularitzako arduradun gisa. Aurretik, Tecnalia Research & Innovation edo Primavera Sounden izan zituen lan-esperientziak, besteak beste. 

Idoia Apraiz. GALBAIAN Intellectual Property-ko jabetza industrial eta intelektualaren kudeaketa saileko arduraduna 

 Farmazian doktorea, Jabetza Industrialaren Agente Ofiziala (2013), Europako Patenteen Agentea (2018), Zuzenbidean eta EIren Kudeaketan masterra egin du CEIPIn (2019) eta European Patent Litigatorren (2023). 2012tik GALBAIANeko bazkide eta aholkularia da, 2015etik bezeroentzako jabetza industrialaren kudeaketa eta ustiapenaren buru da, PI estrategietan eta berrikuntza prozesuetan txertatzean aholku emanez. EIko aktiboen balorizazioan, lizentzietan eta salmentan parte hartzen du. Ohiko hizlaria da foro eta hitzaldietan, baita Mondragon Unibertsitateko gradu eta masterretako irakasle gonbidatua ere. 

2021ean, “IAM Strategy 300: The World’s Leading IP Strategists 2021” gida ospetsuan sartu zuten, eta, gaur egun, LES Espainia-Portugaleko Balorazio Batzordeko kidea da. 

Ikaskuntza-helburuak

• Adimen artifiziala (AA) duten soluzioak babesteko erabil daitezkeen PI modalitateen (patenteak, egile-eskubideak, datu-baseen sui generis eskubideak, enpresa-sekretuak) eskema argi bat izatea. 

• AA duten eta patente bidez babes daitezkeen soluzioak identifikatzeko irizpidea izatea. 

• Datuak eta kontratuak kudeatzeak eskubideak sortzeko tresna gisa duen garrantziaz jabetzea. 

Ikaskuntzaren edukiak

1. ZER –Aktibo ukiezinak babesteko tresnak adimen artifizialaren (AA) arloan.

• IP modalitateak: patenteak, egile-eskubideak, datu-baseen sui generis eskubideak, enpresa-sekretuak. 

• Patenteak: ordenagailuz ezarritako asmakuntzen babesa, batez ere AAn oinarritutako asmakuntzen babesa. 

• AAren munduan funtsezkoa den aktibo ukiezin baten babesa eta kudeaketa: datua. 

• Kontratuak babes-tresna gisa. 

2. 2. NOLA –Gure negozio-eredura egokitutako IPko estrategia bat diseinatzea.

• Abiapuntua: negozio-eredua eta lehia-abantaila. 

• IPko estrategia bat diseinatzea. 

• Adibide praktikoak. 

3. 3. PRAKTIKAN JARTZEA – Talde-lana kasu praktiko batean.

• AAn oinarritutako garapen hipotetiko bat planteatuko da, eta parte-hartzaileek garapenaren alderdiak nola babestu zehaztu beharko dute. 

Nori zuzendua

• Innobasque, Berrikuntzaren Euskal Agentziako edozein erakundetako pertsonentzat, adimen artifiziala erabiltzen duten irtenbide teknologikoen garapenean parte hartzen badute. 

*Gehienez ere bi pertsona erakunde bakoitzeko.