Agencia Vasca de la Innovación, Innobasque
BERRIKUNTZA KASU PRAKTIKOEN 7.DEIALDIA EUSKADIN 2026
Euskadin berrikuntza-prozesuak bizkortzen lagundu duten kasu praktikoak bilatzen ditugu, duela gutxi aplikatu direnak (azken 3-4 urteetan) eta sistemaren funtsezko palanketan eragiten dutenak: abiadura (berrikuntza-denborak murriztea), arintasuna (eragileen arteko konexio hobea) eta irismena (inpaktu eta eskalagarritasun handiagoa).
Kasu praktiko esanguratsuenek azaroan egingo den Global Innovation Day 2026an parte hartuko dute.
Deialdiak 4 kategoria ditu:
Zientziatik Berrikuntzara transferentzia
Zientzia, Teknologia eta Berrikuntzarako Euskal Sistemaren (ZTBES) arintasuna emango dioten kasuak bilatzen ditugu, ikerketa zientifikoa ekoizpen- eta gizarte-sarearekin konektatzen dutenak, ezagutza transferitzeko prozesu eraginkorren bidez eta ZTBESlo azpisistemen arteko harremanak artikulatuz.
Oinarri zientifiko-teknologikoa duten sektore berrietara dibertsifikatzea
Erakunde batek bere lehiarako abantaila nola hobetu duen erakusten duten kasuak bilatzen ditugu, lurralde estrategiko berriak identifikatuz, arakatuz eta horietan kokatuz, hau da, gorabidean dauden merkatuetan, horien ondoko eremuetan, erronka sozialetan edo teknologia disruptiboetan.
AA berrikuntza-prozesuetan aplikatzea
Adimen artifiziala zeharkako teknologia gisa baliatzen duten kasuak, berrikuntza-prozesuen abiadura eta irismena areagotzeko, aplikazio-sektorea edozein dela ere.
Administrazio publikoa berrikuntzaren motor gisa
Sektore publikoko erakundeek berrikuntza sistemaren bultzatzaile eta dina mizatzaile gisa jardun duten kasuak bilatzen ditugu, eskariaren aldeko tres nen bidez haien arintasuna, segurtasuna edo eraginkortasuna hobetzeko.
NOLA BIDALI ZURE KASU PRAKTIKOA?
Sartu Kasu Praktikoen Bankuan dagoen "Partekatu zure berrikuntza-kasua" formularioan. Kasuak euskaraz edo gaztelaniaz aurkeztu ahal izango dira.
Proposamenak aurkezteko epea ekainaren 30ean amaituko da.
Hauek dira Global Innovation Day 2025en erakutsi ziren 5 kasu praktikoak: «Zientziatik berrikuntzara»
EHU eta Surphase: Bikaintasun operatiboa ura gatzgabetzeko instalazioetan sentsoreen teknologia berritzailearen bidez
Nanoteknologia eta sentsorika aurreratua aplikatzen ditu, ura edangarri bihurtzeko planten eraginkortasuna eta iraunkortasuna hobetzeko. Teknologia horri esker, mintzak zikinduko direla aurreratu daiteke eta energia-kontsumoa murriztu, baliabide hidrikoen kudeaketa arduratsuagoa eginez.
Gestamp: Factory 21. Fabrikazio malgu, konektatu eta adimendunaren kontzeptu berria
Fabrikazio-eredu malgu, konektatu eta adimentsu bat ezartzea Gestampen edozein produktu mota fabrikatzeko gaitasuna duten diziplina anitzeko eta generikoko instalazioekin, edozein dela ere produktu horren geometria, azpi-osagai kopurua edo lotura-teknologiak.
Oncomatryx Biopharma: "Berrikuntza hirukoitza minbizi metastasikoa gainditzeko"
Doitasunezko farmako bat, gaixotasuna tratatzeko ezagutza biomediko aurreratuenean oinarritua. Bere ikuspegiak biologia molekularra, biomarkatzaileen bidezko diagnostikoa eta tumore-mikroingurunean jarduteko terapia konbinatzen ditu, pankreako, biriketako edo kolon metastasikoko minbizien aurrean itxaropen berri bat emanez.
Osakidetza eta Eusko Jaurlaritzako Osasun Publikoko Zuzendaritza: "BIZI programa: suizidioaren prebentzioa ingurune komunitarioetatik"
Ezagutza zientifikoa eta teknologikoa konbinatzen ditu, ingurune komunitarioetatik suizidioa prebenitzeko. Ikastaro interaktibo hau, online eta doakoa, arriskuan dauden pertsonak detektatzen eta laguntzen trebatzen ditu profesionalak eta herritarrak, eta Europako Batzordeak osasun mentaleko “Promising Practice” gisa aitortu du, gizartean duen eraginagatik eta nazioarteko transferigarritasunagatik.
Tecnalia eta H2SITE: "Hidrogenoaren garraioa gaitzen dugu etorkizun jasangarri baten alde"
Materialen zientziak hidrogenoa ekoizteko eta garraiatzeko mintz erreaktore berritzaileak diseinatzeko aukera ematen du, karbono gutxiko ekonomiarako trantsizioa bultzatuz.
