Txingudi: padura berreskuratzeko misioa

Plaiaundi Euskadiko hezegune baliotsuenetako bat da gaur egun, baina ez da beti horrela izan. Bisita honetan, giza jarduerak eraldatutako eta degradatutako espazio bat leheneratze ekologikoaren eta biodibertsitatearen kontserbazioaren adibide nola bihurtu zen ikusiko dugu. Ekoetxea Txingudin bertatik bertara ezagutuko dugu nola funtzionatzen duen hezegune batek, zergatik den hain garrantzitsua hegazti migratzaileentzat eta zer erronka dituen mehatxuen aurrean, hala nola hondakinak, espezie inbaditzaileak, habitaten galera edo klima-aldaketa. Zientziak, ingeniaritzak, ingurumen-kudeaketak eta berrikuntzak ekosistemak berreskuratzeko eta etorkizunerako konponbideak eraikitzeko elkarrekin nola
lan egiten duten ere aztertuko dugu.

Edukiak

Bisitaldiak ekologia lehengoratzeko eta biodibertsitatea kontserbatzeko bene
tako proiektu batera hurbilduko gaitu.

1- Biziz betetako hezegunea: Plaiaundiko ekosistema behatuko dugu, padura
batek nola funtzionatzen duen, zer espezie dituen eta Txingudi Euskadiko
hegazti migratzaileentzako kokagune garrantzitsuenetako bat zergatik den
ulertzeko.

2- Espazio degradatutik zaharberritze ekologikoaren erreferentera: Plaiaun
diko historia eta 1998an hasitako lehengoratze-prozesua ezagutuko ditugu. Prozesu horri esker, habitat ugari berreskuratu ahal izan ziren, hala nola padurak, ur gezako urmaelak, basoak eta belardi hezeak. Natura giza ekintzak aldatutako lekuetara itzultzeko erabakiak nola hartzen diren jakingo dugu.

3- Etorkizunerako lehengoratzea: hezeguneen egungo erronka batzuk
aztertuko ditugu: hondakinak, espezie exotiko inbaditzaileak, klima-aldaketa
eta biodibertsitatearen galera. Gainera, Txingudiko paduretan garatzen ari diren zaharberritze-proiektu berriak ezagutuko ditugu, San Lorentzo aintzira handitzea barne, Europako LIFE Hezeguneak proiektuaren barruan.

4- Biodibertsitatea babesteko berritzea: ekosistema bat berreskuratzeko, hain
bat eremutako profesionalen laguntza behar da: biologia, ekologia, inguru men-ingeniaritza, lurraldearen kudeaketa, faunaren eta floraren jarraipena,
ingurumen-hezkuntza eta komunikazio zientifikoa. Bisitaldiari esker, naturaren
kontserbazioaren parte ere bada berrikuntza, eta gune horiek ikertzeko, zaharberritzeko eta kudeatzeko lan egiten duten lanbide batzuk ezagutzeko aukera izango da.

Profesionalak

Eva Montoya: Ekoetxea Txingudiko arduraduna eta ingurumen-hezitzailea.
Ingurumen Zientzietan lizentziatua.

Sergio Elizalde: Ekoetxea Txingudiko ingurumen-hezitzailea. Inguru men-hezkuntzako eta -kontroleko teknikaria.