Formakuntza – Nola egin roadmapping teknologikoa

Prestatzailea

Javier Medina Antón. Qi EUROPEn bazkide-zuzendari nagusia.

Ekonomista, finantzen espezialitatean. Masterra Negozio Energetikoetan eta PDG IESE Business Schoolen. Madrilgo Ekonomisten Elkargo Ofizialeko kidea, Madrilgo Erkidegoko enpresa-mentore egiaztatua eta EBko Women Leadership programako mentorea. 1995etik garatzen du bere karrera profesionala honako hauen diseinuan eta garapen estrategikoan: negozio-eredu berriak (balio-proposamena, kapitalaren modelizazioa eta optimizazioa, prezioak, errentagarritasunak eta kostuak, seed&startup capital, private equity, venture capital, lehiakortasuna eta produktibitatea), teknologia transferitzeko eragiketak eta I+G+b proiektuak (teknologien brokerra, inbertsioen finantzaketa eta analisia, DFC balorazioa eta Venture Capital Method, egituraketa, negoziazioa eta salmenta/aliantzak, bai eta I+G+b proiektuen idazketa, justifikazioa eta nazioartekotzea) eta negozio berriaren garapena (merkatua erakartzea, dibertsifikatzea, hazkundea eta nazioartekotzea) inguru digitaletan/ teknologikoetan / industrialetan, eta ardura zuzena du produktu eta zerbitzu teknologiko berrien berrikuntzan eta garapenean.

Ikaskuntza-helburuak

• Sortzen ari diren teknologiak identifikatzeko eta aztertzeko gaitasunak garatzea, partaideek beren erakundeentzat garrantzitsuak diren berrikuntza-aukerak ezagutzeko aukera izateko.
• Enpresa-plangintzan berrikuntzaren txertaketa estrategikoa irakastea, berrikuntzako ekimenak enpresaren helburuekin eta ikuspegi globalarekin lerrokatuta egoteko.
• Ibilbide-lerro teknologikoen sorkuntzan eta kudeaketa eraginkorrean gaitzea, berrikuntzako estrategiak epe luzean planifikatu eta egikaritzeko.

Ikaskuntzaren edukiak

1. Roadmapping-erako sarrera

• Roadmapping-aren oinarrizko kontzeptuak.
• Roadmapping-aren garrantzia eta onurak berrikuntza kudeatzen.
• Roadmapping arrakastatsuen ikerketa kasuak.

2. Roadmapping-aren funtsezko elementuak

• Oinarrizko teknologiak identifikatzea eta aztertzea.
• Ikuspegi enpresariala eta teknologikoa txertatzea.
• Merkatuaren eta erabiltzaileen beharrak ulertzea.

3. Ibilbide-orria garatzea

• Ibilbide-orriak sortzeko metodologiak.
• Ikusteko tresnak eta teknikak.
• Ariketa praktikoa: Oinarrizko ibilbide-orria sortzea.

4. Inplementazioa eta kudeaketa

• Roadmapping-aren inplementazio eraginkorrerako estrategiak.
• Stakeholder-ren eta komunikazioaren kudeaketa.
• Ibilbide-orriaren monitorizazio eta eguneratzea.

5. Jardueren plangintza eta sekuentziazioa:

• I+G+b proiektuen eta jardueren txertaketarako kronograma xehatua.
• Oinarrizko lorpenak eta entregagaiak eta proiektuaren etapa bakoitzerako espero diren emaitzak.

6. Baliabide berriak, ardurak eta finantzaketa-iturriak esleitzea

• Finantza-eta giza-baliabideak, eta proiektu bakoitzerako beharrezko aurrekontua eta langile egokiak.
• I+G+b prozesuaren atal bakoitzaren rolak eta ardurak.

7. Teknologien matrize estrategikoa eta merkatu-aukerak

Nori zuzendua

Innobasque Berrikuntzaren Euskal Agentziaren bazkide den edozein erakunderentzat (enpresa, ZTBESko eragilea, administrazio publikoa, hezkuntza-erakundea edo erakunde soziala), soilik:

• baldin eta estrategia teknologikoko jarduerak egiten badituzte edo egiten hasi nahi badute modu sistematizatuan eta planifikatuan.
• baldin eta berrikuntzarekin lotutako kezkak badituzte eta ibilbide-orri teknologikoak sortzeko eta kudeatzeko ikuspegi integrala bilatzen badute, oinarrizko teknologiak identifikatzen eta aztertzen ikasteko eta planen etengabeko eguneratzea bermatzeko, berrikuntza-estrategiak negozio-helburuekin lerrokatuz.