Formakuntza – Nola planifikatu eta antolatzen dut I+G saila nire enpresan

Prestatzailea

Javier Medina Antón. Qi EUROPE enpresako bazkide-zuzendari nagusia.

Ekonomialaria, finantzen arloan aditua. Energia Negozioetan eta ZNPn Masterra, IESE Business School. Madrilgo Ekonomialarien Elkargo Ofizialeko kidea, Madrilgo Komunitateko enpresa-kontseilari ziurtatua eta EBko Women Leadership programako kontseilaria. 1995az gero bere lanbide-karrera negozio-eredu berriak diseinatu eta estrategikoki garatzera bideratu du (balio-proposamena, kapitalaren modelizazioa eta optimizazioa, prezioan, errentagarritasunak eta kostuak, seed&startup capital, private equity, venture capital, lehiakortasuna eta produktibitatea); horrez gain, teknologia transferitzeko eragiketak eta I+G+b-aren proiektuak gauzatzen ditu (teknologien brokerra, inbertsioen finantzaketa eta analisia, KFD baloratzea eta Venture Capital Method, egituratzea, negoziazioa eta salmenta/aliantzak), eta I+G+b-aren proiektuak idatzi, kudeatu eta justifikatu ere bai, ingurune digitaletan/teknologikoetan/industrialetan negozio berriak garatzearekin batera (merkatua eskuratzea, aniztea, haztea eta nazioartekotzea). Halakoetan, zuzeneko erantzukizuna du berritu eta produktu eta zerbitzu teknologiko berriak garatzeko orduan.

Ikaskuntza-helburuak

• I+G unitateak sor daitezen sustatzea.
• Erakundeetan I+G jarduerak bultzatzea.
• Enpresen I+G jarduerak sistematizatzen ahalbidetzen duten mekanismoak eskuratzea.
• I+Gren merkatuko aplikazio ezberdinak identifikatzen ikastea, ingurunearekin duen harremana eta denboran duen jarraitasuna kontuan hartuz.

Ikaskuntzaren edukiak

1.- Nola antolatu I+Garen estrategia nire enpresan?

1. I+Gean biziki diharduen enpresa, enpresa berritzailea, berrikuntza erosten duen enpresa. Irekia, itxita…
2. Zertarako nahi duzu saila eta zer nahi duzu izatea hemendik 5 urtera? Moda, barne-kultura, biziraupena…
3. Nola ematen du balioa sailak, teknologiak, produktuak/zerbitzuak?
4. Nola bihurtu diru nire inbertsioa/gastua I+Gan?
5. Denbora-plangintza, ekonomikoa eta merkatukoa

2.- I+Garen antolaketa nire enpresan. Metodologia eta funtsezko urratsak

1. Helburuen definizioa eta I+Garen plangintza. Joerak aztertzea
2. I+Garen aurrean kultura-arrakala aztertzea.
3. Zenbait faktoreekiko (merkataritza, produkzioa/teknologia, antolaketa/baliabideak eta finantzak) I+Garen ideiak aztertzea.
4. Lantaldeak (ikertzaileak, kudeatzaileak, ideien sortzaileak, garatzaileak…) eta laguntzaileak hautatzea. Enpresaren arloko I+Garen ekosistema.
5. Ibilbide-orria 3-5 urtera. Kontingentzia-plana eta beste zientzia, aplikazio, merkatu… batzuetarantz garapenen balizko zutabeak.

Nori zuzendua

Innobasque Berrikuntzaren Euskal Agentziaren bazkide den edozein erakunderentzat (enpresa, administrazio publikoa, hezkuntza-erakundea edo erakunde soziala), soilik:

• sistematikoki eta modu planifikatuan I+G jarduerak gauzatzen badituzte edo zeregin horrekin hasi nahi badute.
• beren gaitasunak sendotu eta erakundean etengabeko I+G jarduerak burutzeko oinarri tinkoak ezarri nahi badute.

*Gehienez bi pertsona erakunde bakoizteko.