FLL Euskadi 26-27 bisita inspiratzaileak Biodibertsitatearen detektibeak: nola aztertzen eta babesten dugu?

FIRST LEGO League Euskadik prestakuntza-eskaintza bakarra du Estatuan. Enpresen, zentro teknologikoen, unibertsitateen eta erakundeen eskutik, FLL Euskadiko taldeek parte har dezakete edizio bakoitzeko erronkarekin lotutako bisita presentzialetan.

Euskadiko edizio berri hau Berrikuntzaren Euskal Agentziak, Innobasquek, Deustuko Unibertsitateak, EHUk eta Mondragon Unibertsitateak antolatu dute. Gainera, lankidetzan aritzen dira Eusko Jaurlaritzako Hezkuntza Saila eta Zientzia, Unibertsitate eta Berrikuntza Saila, bai eta Bizkaiko, Arabako eta Gipuzkoako foru-aldundiak ere.

BC3ra egindako bisitan, biodibertsitatea zer den, zergatik galtzen ari garen eta zientziak nola aztertzen duen ezagutuko dugu. Polinizatzaileen kaxa entomologikoen bitartez, antzararen jokoaren antzeko joko baten bitartez eta zentroaren inguruko landa-irteera labur baten bidez, taldeek arazo hauek zuzenean ezagutuko dituzte, eta biodibertsitatearen galera geldiarazteko konponbide teknologikoak asmatzeko inspirazioa jasoko dute (denboraldi honetako erronka tematikoaren ardatza).

Edukiak

1. Zertaz ari gara? Zer den biodibertsitatea (geneak, espezieak eta ekosistemak), zergatik den garrantzitsua pertsonontzat (polinizazioa, elikagaiak, ur garbia, osasuna) eta zeintzuk diren biodibertsitate galeraren kausa nagusiak: lurzoruaren erabileraren aldaketak, klima-aldaketa, kutsadura, espezie inbaditzaileak eta gehiegizko ustiapena.
2. Bisitako jarduerak:
   • Polinizatzaileak gertutik: kaxa entomologikoen behaketa, erleen, erlastarren, sirfidoen, tximeleten… aniztasuna eta ekosistemetan eta gure elikaduran duten zeregina ezagutzeko.
   • Biodibertsitatearen antzara: talde-jokoa, naturari eragiten dioten mehatxuen eta konponbideen arabera aurrera edo atzera egiten dena.
   • Landa-irteera BC3aren inguruan: nola egiten den landa-lana (laginketak, zenbaketak, espezieen identifikazioa, datu-bilketa) eta zer tresna erabiltzen diren.
3. Taldeentzako erronka: zer teknologiak lagun lezake biodibertsitatearen galera
   neurtzen, zaintzen edo geldiarazten? Sentsoreak, kamerak eta ikusmen arti
   fiziala, droneak, herritarren zientziarako aplikazioak, datuen analisia…
4. Inplikatutako taldea: ekologia, biologia, ingurumen-zientziak, datu-zientzia eta beste diziplina batzuetako ikertzaileak, BC3n elkarrekin lan egiten dutenak klima-aldaketa eta biodibertsitatearen galera ulertzeko.

Profesionalak

• Ainhoa Magrach: Ikerbasque Research Professor

• Xabier Salgado-Irazabal: landa teknikaria

BC3ko ikertzaileak, biodibertsitatearen azterketan eta landa-lanean duten esperientzia partekatuko dutenak.