Formakuntza – 4. Saioa – Horizonte Europarako I+G+B arloko Europako proiektuak prestatzeko ikastaro aurreratua

Prestatzailea

Javier Medina Antón. Qi EUROPEko CEO-a.
Ekonomialaria, finantzetako espezialitatea. Negozio Energetikoetako eta PDGko masterra, IESE Business Schoolen. Madrilgo Ekonomisten Elkargo Ofizialeko kidea, Madrilgo Erkidegoko enpresa-mentore ziurtatua eta Europako Batzordeko Women Leadership programako mentorea. 1995 urteaz geroztik, esparru hauek landu ditu bere ibilbide profesionalean: negozio-eredu berrien diseinua eta garapen estrategikoa (balio-proposamena, kapitalaren modelizazioa eta optimizazioa, prezioak, errentagarritasunak eta kostuak, seed & startup kapitala, private equity, venture capital, lehiakortasuna eta produktibitatea), teknologia transferitzeko eragiketak eta I+G+B proiektuak (teknologien brokerra, inbertsioen finantzaketa eta analisia, DFC eta Venture Capital Method balorazioa, egituraketa, negoziazioa eta salmenta/aliantzak), eta I+G+B proiektuak idazketa, kudeaketa eta justifikazioa, eta negozio berrien garapena (merkatua erakartzea, dibertsifikatzea, hazkundea eta nazioartekotzea) ingurune digital/teknologiko/industrialetan, berrikuntzan eta produktu eta zerbitzu teknologiko berrien garapenean erantzukizun zuzena izanik.

Ikaskuntza – helburuak:

• Horizonte Europa 2021-2027 esparru-programa, haren egitura, helburuak, modalitateak, aurrekontua eta abar ezagutzea.
• Proposamen arrakastatsu bat egiteko gaitasunak eskuratzea, lehentasun politikoekin eta 2025-2027 programa estrategikoarekin lotutako irizpideak barne direla.
• Proposamenak idazteko gaitasuna hobetuko duten tip-ak ezagutzea eta praktikatzea, hala nola, helburua, research output, produktua, outcome eta inpaktua bereiztea edo eta Europako Batzordeak espero dituen inpaktu motak ezberdintzea.
• Proiektuaren teknologia beste aldagai batzuetara itzultzen ikastea: lehiakortasun-abantaila jasangarria, produktibitatea edo industria-lidergoa izan daitezke aldagai horietako batzuk. Produktu teknologiko batek merkatuan porrot egiteko izan ohi diren akats nagusiak identifikatzea. Eta negozio-eredua proposamenen arrakastan zein porrotean giltzarria izan daitekeela aintzat hartzea.
• Europako Batzordearen ebaluazio-irizpideak zehatz-mehatz ezagutzea eta horiek betetzeko proposamenak nola bideratzen diren jakitea.
• Teknologia bati lotutako negozio-plan bat edukitzearen garrantzia ulertzea.
• Operazio- eta finantza-gaitasuna koherentziaz defendatzea.
• Azpikontratazioa eta ondasun eta zerbitzuen erosketa ondo bereiztea.

Prestakuntzaren edukia:

Horizonte Europaren ingurune orokorra eta egitura
• Lehentasun politikoak eta 2025-2027 agenda estrategikoa.
• Horizonte Europaren egitura. Agentzia betearazleak.
• Horizonte Europaren eta Europako beste programa batzuen arteko sinergiak.
• Europako lankidetzak, motak eta aukerak.
• Hautagarritasun-irizpideak eta finantzaketa-motak.
• Proiektu baterako ideiak aztertzea eta Horizonte Europara egokitzea.

Proposamenaren plangintza
• The Funding & Tenders Portal atariaren berrikusketa laburra.
• Horizonte Europan garrantzitsuak diren zeharkako alderdiak.
• Partzuergo arrakastatsu baten ezaugarriak.

Proposamenaren prestakuntza
• A zatia: informazio administratiboa.
• B zatia: memoria teknikoaren txantiloia eta eranskinak.

Proposamenaren ebaluazioa
• Ebaluazio-prozesua eta erreklamazioetarako prozesu berria.
• Atal bakoitzeko ebaluazio-irizpideak eta ebaluatzailearen oniritzia jasotzeko gakoak.

Norentzat:

Euskal enpresentzat eta Zientzia, Teknologia eta Berrikuntzaren Euskal Sistemako eragileentzat soilik:

• Horizonte Europarako I+G+B arloko Europako proiektuak prestatzeko beharra edo interesa dutenentzat.
• Horizonte Europako programetan I+G+B proiektuak aurkezten eta prestatzen esperientzia dutenentzat.

* Gehienez bi pertsona erakunde bakoitzeko.