Enterprise Europe Network (EEN) erakundeak Zunibal sartu du, arrantza jasangarrirako soluzioetan espezializatutako Bizkaiko enpresa teknologikoa eta Innobasqueko erakunde bazkidea, TunaTech-en garapenak izandako arrakasta kasuen artean. Proiektu horrek hainbat teknologia uztartzen ditu arrantza jardueraren jasangarritasuna eta trazabilitatea hobetzeko.
Soluzioak adimen artifiziala, Copernicusen datu satelitalak eta kamera adimendunak integratzen ditu, harrapaketak identifikatzeko eta sailkatzeko, mapa prediktiboak sortzeko eta arrainari itsasotik mahairaino jarraipena egiten laguntzeko.
Europako TITAN proiektuaren deialdiaren esparruan, Zunibalek 156.330 euroko finantzaketa lortu zuen TunaTech-en garapenerako, eta proiektuaren partzuergoaren mentorizazioa eta prestakuntza.
Hautagaitzak EEN Basqueren laguntza eta aholkularitza izan zuen, eta hark lagundu zion enpresari eskaera prozesuan, bere proposamena TITANen helburuekin lerrokatzen, espero zen inpaktua zehazten eta hautagaitza indartzen.
EEN Basque Enterprise Europe Network-en euskal nodoa da. SPRIk koordinatzen du, eta BRTAk, Basque Trade & Investmentek, Bilbo, Araba eta Gipuzkoako Merkataritza Ganberek eta Berrikuntzaren Euskal Agentziak (Innobasque) parte hartzen dute.
