Berrikuntzaren Euskal Agentzia-Innobasquek, SPRIk eta BEAZek, Enterprise Europe Networkeko (EEN Basque) euskal partzuergoko kideek, Eusko Jaurlaritzarekin eta Europako Berrikuntza Batzorde eta ETE-en Agentzia Exekutiboarekin (EISMEA) lankidetzan antolatu dute jardunaldi hau.
EISMEAko Valentina Pinnak Eskualdeen arteko Berrikuntzarako Inbertsio Tresna-I3 aurkeztuko du. I3 Tresna Eskualde Garapeneko Europako Funtsaren (EGEF) parte da, eta espezializazio adimenduneko lehentasunezko eremuetan eskualdeen arteko berrikuntza-proiektuak merkaturatzen eta hedatzen laguntzea du helburu. Bereziki, jardunaldiak I3 Tresnaren 1. Atalan sakonduko du. I3 1.Atalak finantzaketa eta aholkularitza eskaintzen ditu eskualde arteko berrikuntza-proiektuetan inbertsioak egiteko.
Bestalde, TECNALIA zentro teknologikoak DEREMCO proiektua aurkeztuko du, I3 tresnaren arrakasta-kasua. Honez gain, META GROUPek DEREMCOren lehen ur-jauzi bidezko finantzaketa-deialdia aurkeztuko du. Deialdiak material eta osagai konposatuentzako ekonomia zirkularreko erakustaldi-proiektuak finantzatuko ditu.
Halaber, Euskadiren Estatu Batuetako Ordezkaritzak, Eskualde industrializatuen europar sarea, “Vanguard initiative” eta Espezializazio Adimenduneko Plataforma Tematikoak aurkeztuko ditu.
Azkenik, Enterprise Europe Network-eko I+G+b nazioartekotzeko laguntza-zerbitzuak azalduko dira.
Jardunaldia I+G+b eremuan zuzendaritza-ardurak edo ardura teknikoak dituzten langileei zein erakundeei zuzenduta dago: enpresa eta enpresa-elkarteak, klusterrak, aholkularitzak eta Zientziaren, Teknologiaren eta Berrikuntzaren Euskal Sareko eragileak.
| 10:00 | Ongietorria.
Berrikuntzaren Euskal Agentzia, INNOBASQUE |
| 10:05 | Eskualdeen arteko Berrikuntzarako Inbertsio Tresna-I3.
I3 Tresnaren oinarriak. Valentina Pinna. EISMEA. I3 tresnaren ezaugarri nagusiak, finantzatutako proiektuen adibideak eta proposamen irabazle bat izateko gomendioak. Valentina Pinna. EISMEA. |
| 10:35 | DEREMCO Proiektua-De-and Remanufacturing for Circular Economy Investments in the Composite Industry
I3 arrakasta kasua – Esperientzia eta aholkuak. Sonia García Arrieta. TECNALIA. Ur-jauzi bidezko finantzaketa. Adelaide Moscatelli. META GROUP. |
| 11:10 | Vanguard Initiative- Espezializazio Adimenduneko Plataforma Tematikoak.
Aitor Mintegui Echalecu. Euskadiren Ordezkaritza Europar Batasunean. |
| 11:30 | I+G+b nazioartekotzeari laguntzeko mekanismoak.
Nora Ibáñez Otazua. Enterprise Europe Network. INNOBASQUE. |
| 11.40 | Jardunaldiaren amaiera. |
Online
api. 15
10:00 - 11:40 CEST
Online
Harremanetan jarri
Innobasque
