Berrikuntzaren Euskal Agentziak, Innobasquek, Euskadiko Berrikuntza Kasu Praktikoen Deialdiaren zazpigarren edizioa itxi du, berrikuntzaren euskal ekosistemako 45 erakundek aurkeztutako 52 proposamenekin.
Deialdiak ekosistemaren aniztasuna eta izaera kolaboratiboa erakusten du berriro, enpresetatik, zentro teknologikoetatik, ikerketa zentroetatik, osasun erakundeetatik, administrazio publikoetatik, fundazioetatik, kooperatibetatik eta gizarte erakundeetatik datozen proposamenekin. Innobasqueko erakunde bazkideek 52 proposamenetatik 30 aurkeztu dituzte, berrikuntzarekin duten konpromisoa islatuz.
Jasotako kasuek hainbat esparru hartzen dituzte, hala nola adimen artifiziala, osasuna, industria aurreratua, elikadura, energia, mugikortasuna, ekonomia zirkularra edo teknologia kuantikoak, besteak beste, eta erakusten dute sektore askotan berrikuntzak aukera berriak sortzen dituela Euskadirentzat.
Deialdia itxi ondoren, aditu batzorde batek ebaluazio fasea hasiko du, eta proposamenak aztertuko ditu hainbat irizpideren arabera, hala nola ekimenaren izaera estrategikoa, berrikuntza maila, sortutako inpaktua, eragileen arteko lankidetza, jasangarritasuna eta erantzuteko gaitasuna.
Aukeratutako kasuak 2026ko azaroan egingo den XV. Global Innovation Day programaren parte izango dira, euskal berrikuntzaren hitzordu nagusia, eta Innobasqueren Kasu Praktikoen Bankuan sartuko dira, ezagutza partekatzeko eta ekimen berritzaile berriak bultzatzeko erreferentzia gisa.
